آئی ایم ایف کے ساتھ ایم ای ایف پی حتمی مراحل میں داخل ہوگیا ، بنیادی معاشی اہداف پر اتفاق رائے کرلیا گیا۔

ذرائع وزارت خزانہ کے مطابق پاکستان اور عالمی مالیاتی ادارے (آئی ایم ایف) کے درمیان اسٹاف لیول معاہدہ جلد ہوگا، آئی ایم ایف ایگزیکٹو بورڈ معاہدے کے ایک ماہ بعد 1.1 ارب ڈالر قسط کی منظوری دے گا۔

یہ بھی پڑھیں: آئی ایم ایف سے معاہدہ ہونے میں کچھ وقت لگ سکتا ہے، عائشہ غوث پاشا

ذرائع کا کہنا ہے کہ 30 جون تک ملکی زرمبادلہ کے ذخائر 2 ماہ کی درآمدات کے مساوی لانے پر اتفاق ہوا ہے۔دوست ممالک، عالمی اداروں اور کمرشل قرض کے ذریعے 10 ارب ڈالر تک کا انتظام کیا جائے گا۔

ذرائع وزارت خزانہ کا مزید کہنا ہے کہ رواں مالی سال معاشی شرح نمو 2 فیصد تک اور مہنگائی 29 فیصد سے زیادہ رہنے کا تخمینہ ہے۔

یہ بھی پڑھیں: صدرمملکت کا آئی ایم ایف شرائط پر مبنی منی بجٹ آرڈیننس منظور کرنے سے انکار

ذرائع کا کہنا ہے کہ جون 2023 تک 2.6 ارب ڈالر ملنے کے بعد آئی ایم ایف کا قرض پروگرام ختم ہو جائے گا۔امکان ہے پاکستان کو نئے قرض پروگرام کے لیے اگلے مالی سال نئی درخواست دینا ہو گی۔