بھارت کے ساتھ تجارت معطلی کے باوجود درآمدات میں اضافہ

بھارت کے ساتھ تجارت معطلی کے باوجود درآمدات میں اضافہ ہوگیا۔

ذرائع کے مطابق تجارت کی معطلی کے باوجود بھارت سے پاکستانی درآمدات بڑھ گئیں۔

درآمدات میں اضافے کے لحاظ سےفروری میں بھارت 10 بڑے ممالک کی فہرست میں شامل ہوگیا۔

گذشتہ ماہ بھارت سے سالانہ بنیادوں پر درآمدات میں 13 فیصد اضافہ ہوا ۔

فروری میں بھارت سے درآمدات کا حجم 2 کروڑ 42 لاکھ 20 ہزار ڈالرز رہا۔فروری 2022 میں بھارت سے درآمدات 2 کروڑ 14 لاکھ 60 ہزار ڈالرز تھیں۔

ذرائع کا کہنا ہے کہ پاکستان نے اگست 2019 میں بھارت کے ساتھ تجارت معطل کردی تھی ۔