معروف موٹرسائیکل کمپنی نے عوام کو بُری خبر سنادی ہے۔

تفصیلات کے مطابق سوزوکی کمپنی کا کہنا ہے کہ ڈالر کی قیمت میں اتار چڑھاؤ سے کمپنی کو بھاری خسارے کا سامنا ہوا جبکہ پاکستان میں ڈالر کی غیر مستحکم شرح سے کمپنی کو 12 ارب سے زائد کا نقصان اٹھانا پڑا۔

سوزوکی کمپنی نے وفاقی حکومت سے بجٹ میں مزید ٹیکس نہ لگانے کی اپیل کرتے ہوئے معاشی حالات بہتر ہوتے ہی دوبارہ قسطوں پر بائیکس دینے کا اعادہ کیا ہے۔

واضح رہے کہ سوزوکی نے گزشتہ ماہ موٹر سائیکل کی قیمتوں میں 20 ہزار تک اضافہ کردیا تھا جس کے بعد سوزوکی جی آر 150 پانچ لاکھ 1 ہزار سے بڑھ کر پانچ لاکھ 21 ہزار کی ہوگئی تھی۔

جی ایس 150 ساڑھے 3 لاکھ سے بڑھ کر تین لاکھ چونسٹھ ہزار، جی ڈی 110 ایس 3 لاکھ 22 ہزار سے بڑھ کر تین لاکھ 35 ہزار تک پہنچ گئی تھی۔ جی ایس ایکس 125 چار لاکھ انہتر ہزار سے بڑھ کر 4 لاکھ اٹھاسی ہزار کی ہوگئی تھی۔