موٹر سائیکل خریدنے کے شوقین افراد کے لئے انتہائی بُری خبر آگئی ہے۔

تفصیلات کے مطابق سوزوکی کمپنی نے قسطوں پر صارفین کو بائیکس دینے کا سلسلہ منقطع کردیا ہے۔

اس حوالے سے سوزوکی کمپنی کے حکام کا کہنا ہے کہ ڈالر کی غیر مستحکم شرح سے کمپنی کو 12ارب سے زائد کا نقصان ہوا، ڈالر کی شرح میں اتار چڑھاؤ  اورغیر یقینی سے کمپنی بھاری خسارے کو برداشت کررہی ہے۔

انہوں نے کہا کہ وفاقی بجٹ میں نئے ٹیکسز لگانے سے گریز کرنے کا مطالبہ کرتے ہیں، معاشی استحکام ہوتے ہی کمپنی دوبارہ صارفین کو قسطوں پر بائیکس دے گی۔

واضح رہے کہ اس حوالے سے  سوزوکی موٹرسائیکل کمپنی حکام  نے وفاقی حکومت کو خط لکھ دیا ہے۔