موٹرسائیکل خریدنے کے خواہشمند افراد کے لئے بڑی خوشخبری آ گئی ہے۔

ڈییونائیٹڈ آٹوز نے حال ہی میں ایک 150سی سی موٹرسائیکل متعارف کرائی ہے جس کی قیمت صرف 270,000 روپے رکھی گئی ہے۔

یونائیٹڈ یو ایس 150 سنگل سیلنڈر 150cc او ایچ وی انجن اور بنیادی کاربوریٹر سیٹ اپ سے لیس ہے۔

یہ ضروریات کو پورا کرتے ہوئے 5-اسپیڈ گیئر باکس پیش کرتا ہے۔مزید برآں، موٹرسائیکل دیگر جدید خصوصیات پیش کرتی ہے جیسے اسپورٹی ڈیزائن، الائے وہیل، اور ڈسک بریک سسٹم کے ساتھ ساتھ سیلف اسٹارٹر۔

لاہور میں ہونیوالی ایکسپو کے دوران، یونائیٹڈ US150 کو امریکی ڈالر میں قیمت کے ٹیگ کے ساتھ دکھایا گیا، جس کی قیمت $1,100 تھی۔ تاہم اب اسے زیادہ سستی شرح پر لانچ کیا جا رہا ہے، جو کہ خاص طور پر مشکل معاشی صورتحال کے پیش نظر مناسب معلوم ہوتا ہے۔