گاڑیوں کے شوقین افراد کیلئے انتہائی بُری خبر آگئی ہے۔

تفصیلات کے مطابق موجودہ مالی سال کی بڑی صنعتوں کی کارکردگی رپورٹ جاری کر دی گئی ہے۔

رپورٹ کے مطابق پہلے 10 ماہ میں بڑی صنعتوں کی پیداوار میں 9.39 فیصد کمی ہوئی۔

ادارہ شماریات کے مطابق اپریل 2022ء کے مقابلے میں اپریل 2023ء میں صنعتی پیداوار 21 اعشاریہ 7 فیصد گرگئی جبکہ چینی کی پیداوار میں 10 ماہ میں 15.43 فیصد کی کمی ہوئی۔

رپورٹ میں بتایا گیا کہ سوتی دھاگے کی پیداوار میں 20.53 فیصد کی کمی ہوئی، کاٹن کے کپڑوں کی پیداوار میں 11.38 فیصد کی کمی ہوئی جبکہ پٹرولیم مصنوعات کی پیداوار میں 11.24 فیصد کی کمی ہوئی۔

ادارہ شماریات کے جاری کردہ اعداد وشمار کے مطابق کھاد کی پیداوار میں 8.80 فیصد کی کمی ہوئی، گاڑیوں کی پیداوار میں 45.58 فیصد کمی ہوئی جبکہ سیمنٹ کی پیداوار میں 13.84 فیصد کی کمی ہوئی ہے۔