تاجروں اور عوام کیلئے اسٹیٹ بینک آف پاکستان نے اہم اعلان کردیا ہے۔

تفصیلات کے مطابق اسٹیٹ بینک نے امپورٹ پر عائد پابندیاں ختم کرنے کا سرکلر جاری کر دیا ہے۔

اسٹیٹ بینک نے بندرگاہوں پر پھنسے ہوئے 6 ہزار سے زائد کنٹینرز ریلیز کرنے کے لیے بینکوں کو زرمبادلہ کی فراہمی کی اجازت دے دی۔

اسٹیٹ بینک کی جانب سے درآمدات پر عائد پابندیاں ختم کردی گئیں ہیں، اب تمام درآمدات کے لیے بلاتفریق زرمبادلہ فراہم ہوگا۔

 زرمبادلہ کے مجاز ڈیلرز کو تمام درآمدات کے لیے زرمبادلہ فراہم کرنے کی ہدایت کردی گئی۔

اسٹیٹ بینک کے مطابق فیصلہ اسٹیک ہولڈرز کی تجاویز پر کیا گیا ہے۔