حکومت کی طرف سے ملکی انفارمیشن ٹکنالوجی (آئی ٹی) برآمدات بڑھانے کیلئے بڑا اقدام کیا جارہا ہے۔

تفصیلات کے مطابق سرینا ہوٹل اسلام آباد میں پاک فوج کے تعاون سے وزارتِ انفارمیشن ٹیکنالوجی کے تحت قومی آئی ٹی سیمینار کا انعقاد آج کیا جا رہا ہے، جس میں وزیراعظم، آرمی چیف، وفاقی وزراء اور صوبائی وزرائے اعلیٰ شرکت کریں گے۔

اس کے علاوہ گورنر اسٹیٹ بینک، چیئرمین ایف بی آر، خلیجی ممالک، چین اور یورپی یونین کے سفارتکار اور شعبے سے تعلق رکھنے والی کاروباری شخصیات کی شرکت بھی متوقع ہے۔

 قومی آئی ٹی سیمینار کا بنیادی مقصد پاکستان میں آئی ٹی شعبے کی استعداد اور صلاحیتوں کو عالمی سطح پر اجاگر کرنا ہے۔

سیمینار کا انعقاد اسپیشل انویسٹمنٹ فیسیلیٹیشن کونسل کے زیر اہتمام معاشی ترقی کے بحالی منصوبے کی ایک کڑی ہے، یہ آئی ٹی شعبے میں انقلاب ملکی معیشت کے دیگر شعبوں میں بھی ترقی کا باعث بنے گا۔

واضح رہے کہ حکومت کی طرف سے ایسے متعدد منصوبوں کو جلد مکمل کرنے کا دعویٰ کیا گیا ہے جو اس کے بقول ملکی آئی ٹی انڈسٹری کے لیے ’گیم چینجر‘ ثابت ہوں گے۔ تاہم ماہرین کے مطابق پاکستان کو اس سمت میں ابھی ایک لمبا سفر کرنا ہے۔

پاکستان کی وزارت انفارمیشن ٹیکنالوجی نے دعٰوی کیا ہے کہ ملکی آئی ٹی ایکسپورٹ اگلے تین برسوں میں 15 بلین ڈالرز تک پہنچ جائیں گی جبکہ اس شعبے میں سرمایہ کاری کا حجم دس ارب ڈالرز سے بھی زیادہ ہو جائے گا۔

خیال کیا جاتا ہے کہ پاکستان کا تجارتی خسارہ گزشتہ دو تین دہائیوں سے بڑھتا ہی جا رہا ہے۔ ملک میں بڑھتی ہوئی انرجی کی قیمتیں، مختلف طرح کی سبسڈیز کے خاتمے اور بڑے شہروں میں امن و امان کی غیر تسلی بخش صورتحال کے پیش نظر پاکستانی درآمدات کو عالمی مارکیٹ میں اپنے حریفوں سے مقابلہ کرنے میں دشواری کا سامنا  ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/business/2023/07/491507/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/business/2023/07/491507/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں