چینی کی قیمت سے متعلق عوام کیلئے ایک اور بُری خبر آگئی ہے۔

تفصیلات کے مطابق جنوبی پنجاب کی سب سے بڑی غلہ منڈی میں 800 روپے اضافہ کے ساتھ چینی کی ڈھائی من کی بوری 12980 روپے تک جا پہنچی ہے۔

جبکہ عام مارکیٹ میں چینی 130 روپے فی کلو میں فروخت ہو رہی ہے۔

اس حوالے سے شہریوں کا کہنا ہے کہ ایک کلو چینی 130 روپے کی ہوگئی ہے، پہلے 100 روپے تھی پھر 120 ہوئی اور 130 ہوگئی ہے، اب کہہ رہے ہیں 150 ہو رہی ہے دو کلو آٹا 500 روپے کمانے والا بندہ کیا کرے گا۔

دوسری جانب آئے روز چینی کی بڑھتی ہوئی قیمت سے دکاندار بھی پریشان ہیں، چینی مافیا دکانداروں کے کاروبار کو متاثرکررہا ہے۔

دکانداروں کا کہنا ہے کہ ایک ہفتے کے اندرچینی کی فی بوری 800 روپے کا اضافہ ہوگیا ہے اور گاہک علیحدہ پریشان ہے ہم لوگ بھی ڈسٹرب ہیں، گاہک کہتا ہے اتنے ریٹ بڑھ گئے ہیں، غلہ منڈی سے مہنگا لائیں گے تو ہم کس طرح کم ریٹ پر دے سکتے ہیں۔

واضح رہے کہ مہنگائی کے بوجھ تلے دبی عوام نے حکومت سے چینی کی قیمتوں کو کنٹرول کرنے کا مطالبہ کیا ہے۔