گرمی شدت میں اضافہ کے ساتھ ہی بجلی صارفین کیلئے بُری خبر آگئی۔

تفصیلات کے مطابق نیشنل الیکٹرک اینڈ پاور ریگولیٹری اتھارٹی (نیپرا) نے بجلی صارفین پر 46 ارب کا اضافی بوجھ ڈال دیا۔

کیپسٹی چارجز ڈسکوز کی درخواست پر نیپرا نے نوٹیفکیشن جاری کر دیا جس کے مطابق کیپسٹی چارجز کی مد میں صارفین پر 46 ارب کی اضافی منظوری دے دی گئی ہے۔

نوٹیفکیشن میں بتایا گیا کہ کیپسٹی چارجز کی مد کے نرخ میں 1 روپے 25 پیسے اضافہ کیا گیا ہے، صارفین ماہانہ 1روپے 25پیسے اضافی ادا کریں گے۔

نوٹیفکیشن کے مطابق رواں سال کی تیسری سہ ماہی ایڈجسٹمنٹ کی مد میں منظور ہوئی، تاہم قیمتوں میں اضافے کا اطلاق جولائی، اگست اور ستمبر کے بلوں میں ہوگا۔

دو روز قبل حکومت نے پرائیویٹ بجلی گھروں کو 142 ارب روپے جاری کر دیے۔

آئی پی پیز کو رقم بقایاجات کی مد میں آئی ایم ایف شرائط کے تحت ادا کی گئیں۔ آئی پی پیز کو رقم کی ادائیگی گزشتہ ماہ 27 جون کو کی گئی۔

حبکو، این پی ایل، ایل پی ایل، نیشنل پاور پارکس اور دیگر آئی پی پیز کو رقم کی ادائیگی کی گئی ہے جبکہ گزشتہ مالی سال کے 11 ماہ میں گردشی قرضوں کے حجم میں 394 ارب روپے کا اضافہ ہوا۔