شدید گرمی میں عوام لوڈ شیڈنگ سے نڈھال ہو چکے ہیں جبکہ بجلی کا بحران بھی شدت اختیار کر گیا ہے۔

تفصیلات کے مطابق لاہور میں گرمی کی شدت کے بڑھنے کے ساتھ بجلی کی بندش بھی بڑھتی جارہی ہے، 4 سے 6 گھنٹے کی لوڈشیڈنگ نے عوام کا جینا مشکل کردیا ہے۔

بجلی کی طلب بڑھتے ہی اعلانیہ کے ساتھ غیر اعلانیہ لوڈ شیڈنگ بھی جاری ہے، لیسکو ریجن میں بجلی کی طلب 5600 میگاواٹ تک پہنچ گئی جبکہ بجلی کی فراہمی 5000 میگاواٹ ہے۔

لاہور اور اس کے گردونواح میں 6 گھنٹے کی لوڈ شیڈنگ کی جاری ہے جبکہ مضافات میں لوڈ شیڈنگ کا دورانیہ 4 گھنٹے تک پہنچ گیا ہے۔

اس کے علاوہ سسٹم اوور لوڈ ہونے سے ٹرانسفرمرز کے چلنے اور تاریں ٹوٹنے کی شکایات میں اضافہ ہوتا جارہا ہے۔

لاہور میں داروغہ والا بند روڈ، محمود بوٹی، لکھو ڈیر، شالیمار باغ اور باغبانپورہ میں بجلی کی بدترین لوڈ شیڈنگ جاری ہے، اس کے علاوہ شادباغ، کوت خواجہ سعید، عامر روڈ سمیت شمالی لاہور کے علاقوں کے مکین بھی بجلی کی بندش سے اذیت کا شکار ہیں۔

واضح رہے کہ لوڈشیڈنگ کے ساتھ بجلی کے بِلوں میں اضافے سے بھی شہری پریشان ہیں ان کا کہنا ہے کہ بل بڑھتے جارہے ہیں مگر بجلی نہیں آتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/business/2023/07/913720/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/business/2023/07/913720/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں