اسلام آباد: ملکی برآمدات میں ماہانہ اور سالانہ بنیادوں پر واضح کمی ریکارڈ کی گئی ہے۔

تفصیلات کے مطابق ادارہ شماریات نے ماہانہ تجارتی اعداد و شمار جاری کردیے ہیں جس میں بتایا گیا ہے کہ مالی سال کے پہلے ماہ برآمدات میں 12.68 فیصد کمی ریکارڈ کی گئی۔

پاکستانی ادارہ شماریات کی رپورٹ میں کہا گیا ہے کہ جولائی 2023 میں برآمدات کا حجم 2 ارب ڈالرز رہا جبکہ درآمدات 3 ارب 66 کروڑ ڈالرز رہیں۔

رپورٹ کے مطابق ایک ماہ میں تجارتی خسارہ ایک ارب 60 کروڑ ڈالرز رہا جبکہ سالانہ بنیادوں پر برآمدات میں 8.57 فیصد کمی ہوئی۔

ادارہ شماریات کی رپورٹ میں مزید بتایا گیا ہے کہ جولائی 2022 کے مقابلے میں درآمدات میں 26.4 فیصد کمی ہوئی ہے جبکہ سالانہ بنیادوں پر تجارتی خسارہ 41.1 فیصد کم ہوگیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/business/2023/08/303722/amp/ کو لائک کریں