اسلام آباد: فیڈرل بورڈ آف ریونیو (ایف بی آر) میں ٹیکس چوری کے بڑے اسکینڈل کا انکشاف ہونے پر محکمہ کسٹمز کے 3 افسران کو برطرف کر دیا گیا ہے۔

اس حوالے سے ایف بی آر نے بتایا کہ محکمہ کسٹمز کے افسران نے ٹیکس چوری میں سہولت فراہم کرکے خزانے کو 7 ارب کا نقصان پہنچایا ہے، تاہم برطرف انسپکٹرز میں عزیز الرحمٰن، سحرش نذیر،عثمان علی شامل ہیں۔

ایف بی آر کے مطابق افسران قیمتی گھڑیاں، موبائل فون، کاسمیٹکس سمیت درآمدی اشیاء کلیئر کرنے میں ملوث ہیں۔

ایف بی آر کی جانب سے جاری کردہ دستاویز میں بتایا گیا کہ آغا خان فاؤنڈیشن کا نام استعمال کرکے 81 غیر قانونی گڈز ڈکلیڑیشنز کی گئیں، جبکہ 2019-20 میں 80 گڈز ڈکلیئریشن کلیئر کی گئیں اور صرف ایک پکڑی گئی۔

انکوائری رپورٹ کے مطابق درآمدی سامان کی کلیئرنس میں متعکقہ قوانین و ایس او پیز کی خلاف ورزی کی گئی۔

ایف بی آر نے مزید بتایا کہ خصوصی فیکٹ فائنڈنگ انکوائری نے تینوں افسران کو قصور وار قرار دے دیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/business/2023/08/632782/amp/ کو لائک کریں۔