لاہور: برائلر مرغی کے گوشت کی قیمتوں میں اتار چڑھاؤ کا سلسلہ جاری ہے، شہر میں برائلر مرغی کا گوشت سستا ہو گیا۔ 

تفصیلات کے مطابق برائلر مرغی کے گوشت کی قیمت میں 8روپے کمی ہوئی ہے، مارکیٹ کمیٹی کی جانب سے گوشت کی سرکاری قیمت 585 روپے فی کلو مقرر کی گئی ہے۔

فارمی انڈوں کی سرکاری قیمت 294 روپے فی درجن ریٹ برقرار رہا جبکہ انڈوں کی پیٹی 8700 روپے میں فروخت ہو رہی ہے۔

سبزی نرخ صورتحال

آلو کا سرکاری ریٹ 73 روپے فی کلو ہے جبکہ مارکیٹ میں آلو 90 سے 100 روپے فی کلو فروخت ہو رہے ہیں۔

پیاز کی قیمت 8 روپے اضافے سے 73 روپے فی کلو مقرر کی گئی ہے جبکہ مارکیٹ میں پیاز کی فروخت 80 سے 90 روپے فی کلو ہو رہی ہے۔

اس کے علاوہ ٹماٹر کا سرکاری نرخ 85 روپے فی کلو مقرر کیا گیا ہے جبکہ مارکیٹ میں ٹماٹر 120 روپے فی کلو تک فروخت ہو رہا ہے۔

مارکیٹ میں لہسن 500 اور ادرک 1000 روپے فی کلو فروخت ہو رہا ہے جبکہ پھول گوبھی 150، بھنڈی 120، مٹر 350، کریلے 140 اور ٹینڈے 180 روپے فی کلو فروخت ہو رہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/business/2023/08/763875/amp/ کو لائک کریں۔