سیمنٹ کی قیمتوں سے متعلق بڑی خبر آ گئی ہے۔

تفصیلات کے مطابق ملک سے سیمنٹ کی برآمدات میں رواں مالی سال کے پہلے دو ماہ کے دوران سالانہ بنیادوں پر 117 فیصد اضافہ ریکارڈ کیا گیا ہے۔

اعداد و شمار کے مطابق جولائی اور اگست میں ملک سے 1175000 ٹن سیمنٹ کی برآمدات ریکارڈ کی گئیں، جو گزشتہ مالی سال کی اسی مدت کے مقابلے میں 117 فیصد زیادہ ہیں۔

گزشتہ مالی سال کی اسی مدت میں 541000 ٹن سیمنٹ کی برآمدات ریکارڈ کی گئی تھیں جبکہ اگست میں 725000 ٹن سیمنٹ کی برآمدات ریکارڈ کی گئیں جو گزشتہ سال اگست کے مقابلے میں 87 فیصد زیادہ ہیں۔

گزشتہ سال اگست میں 387000 ٹن سیمنٹ کی برآمدات ریکارڈ کی گئی تھیں جبکہ جولائی کے مقابلے میں اگست میں ملک سے سیمنٹ کی برآمدات میں ماہانہ بنیادوں پر 61 فیصد کی نمو دیکھنے میں آئی۔

جولائی میں 450000 ٹن سیمنٹ کی برآمدات ریکارڈ کی گئیں جو اگست میں بڑھ کر 725000 ٹن ہوگئیں۔

مالی سال کے پہلے دو ماہ میں ملک میں 7714000 ٹن سیمنٹ کی کھپت ریکارڈ کی گئی جو گزشتہ مالی سال کی اسی مدت میں 5337000 ٹن تھیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/business/2023/09/431915/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/business/2023/09/431915/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں