اسلام آباد: میٹرو بس میں سفر کرنے والوں کیلئے بُری خبر آگئی ہے، پیٹرول کے بعد میٹرو بس کے کرایوں میں بھی اضافہ کردیا گیا ہے۔

تفصیلات کے مطابق وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے اسلام آباد میں چلنے والی میٹرو بس کے کرایوں میں اضافہ کردیا۔

اورنج لائن کے کرایوں میں 40 روپے، گرین اور بلیو لائن کے کرایوں میں 20 روپے اضافہ کردیا گیا ہے۔

اورنج لائن کا کرایہ 50 روپے سے بڑھا کر 90 روپے، گرین اور بلیو لائن کا کرایہ 30 روپے بڑھا کر 50 روپے کردیا گیا ہے۔

یاد رہے کہ اورنج لائن میٹرو بس فیض احمد فیض سے نیو اسلام آباد ایئرپورٹ کے درمیان چلتی ہے۔

سی ڈی اے حکام نے بتایا کہ میٹرو کرایوں میں اضافہ فیول کی قیمتوں میں اضافے کے باعث کیا گیا ہے، ایک سال میں فیول کی قیمت ڈبل ہوگئی ہے، سی ڈی اے میٹرو بس سروس پر سالانہ 800 ملین سبسڈی دیتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/business/2023/09/523962/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/business/2023/09/523962/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں