چینی کی قیمت سے متعلق اہم خبر آگئی ہے۔

ادارہ شماریات کے مطابق ایک ہفتے میں چینی کی فی کلو قیمت میں 8 روپے تک کا اضافہ ہوا، گزشتہ سال اسی عرصے میں چینی کی اوسط قیمت 95 روپے 29 پیسے تھی۔

ایک سال میں چینی کی فی کلو اوسط قیمت میں 48 روپے تک کا اضافہ ہوا، کوئٹہ کے عوام پاکستان میں سب سے مہنگی چینی کھانے پر مجبور ہیں، کوئٹہ میں چینی 174 روپے فی کلو فروخت ہورہی ہے۔

پشاور اور اسلام آباد میں چینی 150 روپے فی کلو دستیاب ہے، راولپنڈی اور لاہور بھی چینی 150 روپے فی کلو دستیاب ہے، سرگودھا، ملتان اور گوجرانوالا میں چینی 145 روپے فی کلو فروخت ہورہی ہے۔

اس کے علاوہ کراچی اور لاڑکانہ میں چینی فی کلو 140 روپے میں فروخت ہو رہی ہے۔