اسلام آباد: چین کی جانب سے 2 ارب ڈالر قرض رول اوور کرنے کی رضامندی ظاہر کر دی گئی ہے۔

ذرائع وزارت خزانہ کے مطابق دو ارب ڈالر کا قرض میچور ہونے سے قبل رول اوور کر دیا جائے گا، چین کی جانب سے دو ارب ڈالر قرض کو موجودہ شرائط پر رول اوور کیا جائے گا۔

ذرائع نے مزید بتایا کہ چین کی جانب سے دو ارب ڈالر ڈیپازٹ پر 2 فیصد سے کم شرح سود عائد ہے، تاہم 2 ارب ڈالر قرض کا میچورٹی ٹائم 23 مارچ 2024 کو مکمل ہو جائے گا، قرض کا مزید ایک سال کیلئے رول اوور کر دیا جائے گا۔

یاد رہے کہ چند روز قبل نگران وزیر اعظم انوار الحق کاکڑ نے چینی ہم منصب کو خط لکھا تھا جس میں انہوں نے 2 ارب ڈالر کا قرض رول اوور کرنے کی درخواست کی تھی، تاہم چین کی جانب سے مجموعی طور پر 4 ارب ڈالر قرض سیف ڈیپازٹ حاصل کیا ہوا ہے۔