پشاور میں گیس بحران شدت اختیار کر گیا ہے، صارفین لکڑیاں جلانے پر مبجور ہوگئے ہیں۔

پشاور کے مختلف علاقوں میں گیس ناپید ہوگئی اور صارفین کی مشکلات میں اضافہ ہوگیا ہے، گیس نہ ہونے کے باعث گھروں میں خواتین کو کھانا پکانے میں مشکلات پیش آرہی ہیں۔

کوہاٹ روڈ، ورسک روڈ، چارسدہ روڈ، دلہ زاک روڈ سمیت پشاور کے دیگر علاقوں میں گیس نہ ہونے سے شہریوں کے معمولات زندگی متاثر ہو رہے ہیں، گیس بندش کے باعث ہوٹل اور تندور مالکان بھی مشکلات سے دوچار ہیں۔

گیس نہ ہونے سے شہریوں کو شدید مشکلات کا سامنا کرنا پڑ رہا ہے، شہریوں کا کہنا ہے کہ گیس نہ ہونے سے زندگی اجیرن ہو گئی ہے، لکڑی اور سلینڈر گیس استعمال کرنے پر مجبور ہے۔

شہریوں کا مزید کہنا ہے کہ پائپوں میں گیس کی جگہ ہوا اور پانی آرہا ہے، کھانا پکانے کے اوقات میں بھی گیس نہیں ہوتی، ۔بل بڑے بڑے آتے ہیں لیکن گیس نہیں اور حکومت ٹھس سے مس نہیں ہو رہی، کس کو فریاد کریں۔