ٹیکس چوری روکنے کیلئے مینوفیکچررنگ شعبے کیلئے ڈیجیٹل انوائس سسٹم متعارف کرانے کا فیصلہ کرلیا گیا ہے۔

ذرائع ایف بی آر کے مطابق مینوفیکچرر سے ڈسٹری بیوٹرز اور پھر ہول سیل کا کام کرنے کیلئے ڈیجیٹل انوائس لینا ضروری ہو گی، مینوفیکچرر فیکٹری میں ایف بی آر کی مشینیں نصب ہوں گی جہاں سے سامان کی ترسیل پر کمپیوٹر رسید ملے گی۔

ذرائع ایف بی آر نے بتایا کہ ڈسٹری بیوٹرز اور ہول سیلرز کو سامان کی ترسیل تک رسید اور ریکارڈ ایف بی آر فیلڈ فارمیشن کو جمع کرانا ہوگا، مینوفیکچررنگ شعبے کے 25 ٹریلین روپے کی ٹرانزکشنز میں سے صرف 5 ٹریلین روپے ٹرانزکشنز بینکنگ چینل سے ہیں۔

ذرائع ایف بی آر کا کہنا ہے کہ مینوفیکچررنگ شعبے کو ایف بی آر کے ساتھ منسلک کر کے ٹیکس چوری کو کنٹرول کیا جائے گا، ڈیجیٹل انواسنگ سسٹم کیلئے اسکیم کی تیاریاں مکمل ہیں منتخب حکومت کا سگنل ملتے ہی لانچ کی جائے گی۔

ڈیجیٹلائزیشن سے منسلک نہ ہونے والے مینوفیکچرر کے خلاف قانونی کارروائی کی جائے گی۔