سیمنٹ کی قیمت سے متعلق بڑی خبر آگئی ہے۔

پاکستان کے ادارہ برائے شماریات کی جانب سے جاری کردہ اعدادوشمار کے مطابق 25 اپریل کو ختم ہونے والے ہفتے ملک کے شمالی علاقوں میں سیمنٹ کی فی بوری کی اوسط ریٹیل قیمت 1227 روپے ریکارڈ کی گئی جو گزشتہ ہفتے میں بھی 1227 روپے تھی۔

اسی طرح جنوبی ریجن میں سیمنٹ کی فی بوری کی اوسط ریٹیل قیمت 1202 روپے رہی جو گزشتہ ہفتے میں بھی 1202 روپے تھی۔

اسلام آباد میں سیمنٹ کی فی بوری کی اوسط ریٹیل قیمت 1210، راولپنڈی 1199، گوجرانوالہ 1250، سیالکوٹ 1240، لاہور 1280، فیصل آباد 1240، سرگودھا1220 رہی۔

اعدادوشمار کے مطابق ملتان میں سیمنٹ کی فی بوری قیمت 1229، بہاولپور 1250، پشاور 1200، بنوں 1177، کراچی 1171، حیدرآباد 1180، سکھر 1300، لاڑکانہ 1173، کوئٹہ 1210 اور خضدار میں سیمنٹ کی فی بوری کی اوسط ریٹیل قیمت 1177 روپے ریکارڈ کی گئی۔