اسلام آباد: نئے بجٹ 2024-25 کی تیاری تاخیر کا شکار ہے جس کے پیش نظر شیڈول متاثر ہوگیا ہے۔

ذرائع کے مطابق بجٹ اسٹریٹجی پیپر 2024-27 تاحال تیار نہ ہو سکا، بجٹ اسٹریٹجی پیپر 22 اپریل تک منظور کرانے کا ہدف تھا۔

اس کے علاوہ سالانہ پلان کوآرڈینیشن کمیٹی کے اجلاس بھی نہیں بلائے گئے، جبکہ قومی اقتصادی کونسل کا اجلاس مئی کے دوسرے ہفتے شیڈول ہے۔

ذرائع نے مزید بتایا کہ کابینہ کیلئے بجٹ دستاویزات کی تکمیل رواں ماہ کے آخر میں متوقع ہے، نئے مالی سال کا بجٹ جون کے پہلے ہفتے پارلیمنٹ میں پیش کیا جائے گا اور اس سے پہلے  بجٹ دستاویز کی وفاقی کابینہ سے منظوری لی جائے گی۔