پیٹرول کی قیمت سے متعلق عوام کے لیے بڑی خوشخبری آگئی ہے۔

ذرائع کے مطابق بین الاقوامی مارکیٹ میں تیل کی قیمتوں میں بالترتیب 3.25 ڈالر اور 2.10 ڈالر فی بیرل کی کمی واقع ہوئی ہے۔

عالمی منڈی میں تیل کی قیمتوں میں کمی کے باعث یکم جون سے پاکستان میں بھی پیٹرول کی قیمت میں 5 روپے اور ڈیزل کی قیمت میں 4 روپے فی لیٹر تک کمی متوقع ہے۔

اوگرا 31 مئی کو قیمتوں کے حوالے سے سمری پیٹرولیم ڈویژن کو بھجوائے گا، جس کے بعد وزارت خزانہ وزیر اعظم کی مشاورت سے نئی قیمتوں کا اعلان کرے گی، جس کا اطلاق یکم جون 2024 سے مہینے کے پہلے پندرہ دن تک ہوگا۔

 یاد رہے کہ 15 مئی کو حکومت نے پیٹرول کی قیمت میں 15 روپے 39 پیسے فی لیٹر کمی کا اعلان کیا تھا۔