سیمنٹ کی قیمت سے متعلق بڑی خبر آگئی ہے۔

پاکستان بیورو برائے شماریات کے اعدادوشمار کے مطابق 16 مئی کو ختم ہونے والے ہفتے میں ملک کے شمالی علاقوں میں سیمنٹ کی فی بوری کی اوسط ریٹیل قیمت 1217 روپے ریکارڈ کی گئی جو پیوستہ ہفتے کے مقابلے میں 0.83 فیصد زیادہ ہے۔

پیوستہ ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1207 روپے ریکارڈ کی گئی تھی۔

ملک کے جنوبی شہروں میں گزشتہ ہفتے کے دوران سیمنٹ کی فی بوری کی اوسط ریٹیل قیمت 1199 روپے ریکارڈ کی گئی جو پیوستہ ہفتے میں بھی 1199 روپے تھی۔

اعدادوشمار کے مطابق اسلام آباد میں سیمنٹ کی فی بوری کی اوسط ریٹیل قیمت 1204، راولپنڈی 1201، گوجرانوالہ 1250، سیالکوٹ 1230، لاہور 1270 اور فیصل آباد میں 1230 روپے ریکارڈ کی گئی۔

 سرگودھا 1207، ملتان 1200، بہاولپور 1230، پشاور 1200 اور بنوں میں سیمنٹ کی فی بوری کی اوسط ریٹل قیمت 1170 روپے ریکارڈ کی گئی۔

اس کے علاوہ کراچی میں سیمنٹ کی فی بوری کی اوسط ریٹیل قیمت 1167، حیدر آباد 1180، سکھر 1300، لاڑکانہ 1173، کوئٹہ 1195 اور خضدار میں سیمنٹ کی فی بوری کی اوسط ریٹیل قیمت 1177 روپے ریکارڈ کی گئی۔