گاڑی اور موٹرسائیکل مالکان کے لیے بڑی خبر آگئی ہے۔

ذرائع کے مطابق اسلام آباد میں گاڑیوں کی رجسٹریشن اور نمبر پلیٹس سے متعلق قواعد میں بڑی تبدیلی سامنے آئی ہے، غیر نمونہ نمبر پلیٹس والی گاڑیوں کی رجسٹریشن کینسل کرنے کا فیصلہ کیا گیا ہے۔

اس حوالے سے جاری کردہ  نوٹیفکیشن کے مطابق دوبارہ رجسٹریشن کیلئے 1 ہزار سی سی گاڑی کیلئے 5 ہزار فیس ادا کرنا ہوگی، 2 ہزار سی سی گاڑی کی دوبارہ رجسٹریشن کیلئے 10 ہزار فیس ادا کرنا ہوگی۔

جاری نوٹیفکیشن کے مطابق ایسی گاڑیاں جو 2000 سی سی سے اوپر ہیں، ان گاڑیوں کو 20 ہزار روپے جرمانہ ادا کرنا ہوگا۔

اس کے علاوہ موٹرسائیکل کی دوبارہ رجسٹریشن پر 1 ہزار روپے فیس ادا کرنا ہوگی، دوبارہ خلاف ورزی کی صورت میں 5 گنا زائد فیس وصول کی جائے گی۔