پاکستان اسٹاک ایکسچینج تاریخ کی بلند ترین سطح پر پہنچ گیا ہے۔

پاکستان اسٹاک ایکسچینج میں مثبت رجحان کا سلسلہ جاری ہے، مارکیٹ میں آج بھی زبردست تیزی دیکھی گئی ہے۔

کاروباری ہفتے کے آخری روز ٹریڈنگ کے دوران اسٹاک مارکیٹ میں 100 انڈیکس میں 834 کا اضافہ ہوا ہے جس کے ساتھ پاکستان اسٹاک ایکسچینج میں 100انڈیکس 82 ہزار 294 پوائنٹس کی بلند سطح پر ٹریڈ کر رہا ہے۔

ٹریڈنگ کے دوران تاریخی سطح 82 ہزار 372 پوائنٹس تک بھی ٹریڈ ہوا ہے۔

واضح رہے کہ گزشتہ روز پاکستان اسٹاک ایکسچینج میں کاروبار کے اختتام پر 100 انڈیکس 997 پوائنٹس کے اضافے سے 81 ہزار 459 پوائنٹس پر بند ہوا تھا۔