کراچی: زرمبادلہ کے سرکاری ذخائر میں کمی رپورٹ کی گئی ہے۔

اسٹیٹ بینک کی جانب سے زرمبادلہ کے ذخائر کے اعداد و شمار کی ہفتہ وار رپورٹ جاری کردی گئی ہے۔

اسٹیٹ بینک کے مطابق زرمبادلہ کے سرکاری ذخائر میں گزشتہ ہفتہ کے دوران 27 کروڑ 63 لاکھ ڈالر کی کمی ہوئی۔

اسٹیٹ بینک نے بتایا کہ 17 جنوری تک زرمبادلہ کے سرکاری ذخائر کی مالیت 11 ارب 44 کروڑ 87 لاکھ ڈالر ریکارڈ کی گئی۔

مرکزی بینک کا کہنا تھا کہ کمرشل بینکوں کے ذخائر میں 1 کروڑ 47 لاکھ ڈالر کا اضافہ ہوا جب کہ  کمرشل بینکوں کے پاس 4 ارب 74 کروڑ 6 لاکھ ڈالر کے ذخائر موجود ہیں۔

اسٹیٹ بینک آف پاکستان نے مزید بتایا کہ زرمبادلہ کے مجموعی ملکی ذخائر 16 ارب 18 کروڑ 93 لاکھ ڈالر کی سطح پر ہیں۔