اسلام آباد: اسٹیٹ بینک آف پاکستان کے ذخائر میں 3 کروڑ ڈالر کا اضافہ ریکارڈ کیا گیا ہے۔

ترجمان اسٹیٹ بینک آف پاکستان کے مطابق مرکزی بینک کے ذخائر 3 کروڑ ڈالر کے اضافے کے بعد 11 ارب 72 کروڑ ڈالر تک پہنچ گئے ہیں۔

ترجمان اسٹیٹ بینک نے بتایا کہ کمرشل بینکوں کے ذخائر 4 ارب 72 کروڑ ڈالر سے تجاوز کرگئے جب کہ ملکی مجموعی ذخائر 7.3 کروڑ ڈالر اضافے سے 16 ارب 45 کروڑ ڈالر ہوگئے ہیں۔

خیال رہے کہ 3 جنوری کو ملکی زرمبادلہ کے ذخائر 16 ارب 37 کروڑ ڈالر ریکارڈ کیے گئے تھے۔

اسی طرح اسٹیٹ بینک کے ذخائر 11 ارب 69 کروڑ ڈالر اور کمرشل بینکوں کے ذخائر 4 ارب 68 کروڑ ڈالر ریکارڈ کیے گئے تھے۔