اسلام آباد: رواں مالی سال کی تیسری سہ ماہی میں ایف بی آر کو ٹیکس ہدف کے حصول میں مشکلات کا سامنا ہے۔

ذرائع ایف بی آر کے مطابق تیسری سہ ماہی میں ایف بی آر 3050 ارب روپے کا ٹیکس ہدف حاصل نہیں کرسکے گا، رواں ماہ اب تک ایف بی آر نے 800 ارب روپے ٹیکس اکھٹا کیا ہے۔

ذرائع کا کہنا ہے کہ ایف بی آر کو کل ایک دن میں 150 روپے اکٹھے کرنے ہوں گے، ایف بی آر کا ماہ جنوری میں ٹیکس ہدف 950 ارب روپے ہے جب کہ نئے مالی سال میں ایف بی آر پراپرٹی ٹرانزیکشنز پر ٹیکس میں کمی پر غور کرے گا۔

ذرائع نے بتایا کہ آئی ایم ایف کو پراپرٹی ٹرانزیکشنز ٹیکس میں کمی پر قائل کریں گے، 37 ٹریلین کی رقم بینکوں میں ہے اور شرح سود بھی کم ہوچکا ہے، یہ رقم بینکوں سے نکل کر کاروبار یا مارکیٹ میں آنی چاہیے۔

ذرائع ایف بی آر کا کہنا تھا کہ آئی ایم ایف پروگرام میں رہتے ہوئے ایمنسٹی اسکیم نہیں دے سکتے، منی بجٹ نہیں آئے گا رواں مالی سال کا ٹیکس ہدف حاصل کریں گے جب کہ آخری سہ ماہی میں ٹیکسوں کی وصولی میں اضافہ ہوگا۔

ذرائع نے مزید کہا کہ عید کے دنوں میں میں معاشی ایکٹیویٹی سے ٹیکس وصولی بڑھ سکتی ہے اور ٹیکس لاء ترمیمی بل کی منظوری سے بھی ٹیکس وصولی میں اضافہ ہوگا، ٹیکس ہدف کے حصول کے لئے اقدامات کئے جائیں گے۔