کراچی: کاروباری ہفتے کے آخری روز اسٹاک ایکسچینج میں مندی کا رجحان ریکارڈ کیا گیا ہے۔

پاکستان اسٹاک ایکسچینج میں کاروبار کا اختتام ہوگیا جب کہ کاروباری ہفتے کے آخری روز مارکیٹ میں مندی کا رجحان رہا۔

ہنڈرڈانڈیکس 532 پوائنٹس کی کمی سے 1 لاکھ 13 ہزار 251 پوائنٹس پر بند ہوا، دن بھر مجموعی طور پر 444 کمپنیوں کے شیئرز میں کاروبار ہوا۔

119 کمپنیوں کے شیئرز کی قیمتوں میں اضافہ جب کہ 263 کے شیئرز میں کمی ہوئی جب کہ مارکیٹ میں 47 کروڑ 20 لاکھ سے زائد شیئرز کا لین دین ہوا۔

اسٹاک مارکیٹ میں 22 ارب 77 کروڑ سے زائد مالیت کے شیئرز کے سودے ہوئے، مارکیٹ کی بلند ترین سطح 114,265 جب کہ کم ترین سطح 113,201 پوائنٹس رہی۔