کراچی: پاکستان اسٹاک ایکسچینج میں آج کاروبار کا مثبت دن رہا جہاں 100 انڈیکس میں اضافہ دیکھا گیا۔

کاروباری ہفتے کے تیسرے روز کاروبار کا اختتام مثبت زون میں ہوا، اسٹاک مارکیٹ کے 100 انڈیکس میں 490 پوائنٹس کے اضافہ کے ساتھ پاکستان اسٹاک ایکسچینج میں ہنڈرڈ انڈیکس ایک لاکھ 12 ہزار 253 پوائنٹس کی سطح پر بند ہوا۔

آج کاروباری دن میں اسٹاک مارکیٹ کا ہنڈریڈ انڈیکس 1 لاکھ 13 ہزار 327 پوائنٹس کی بلند سطح پر ٹریڈ ہوا، مارکیٹ میں پورا دن 13 ارب روپے مالیت کے 26 کروڑ حصص کا کاروبار ہوا۔

اسٹاک مارکیٹ میں 165 کمپنیوں کے حصص میں اضافہ جبکہ 196 کمپنیوں کے حصص میں کمی ہوئی اور 69 کمپنیوں کے حصص میں استحکام رہا۔