بلومبرگ نے پاکستان کو دنیا کی دوسری ابھرتی ہوئی معیشت قراردیدیا ۔ حالیہ رپورٹ کے مطابق پاکستان مسلسل بہتری دکھانے والا واحد ملک ہے۔

رپورٹ میں بتایا گیا کہ پاکستان کے دیوالیہ ہونے کے خدشات میں نمایاں کمی ریکارڈ کی گئی ۔ دیوالیہ ہونے کے امکانات میں 2200 پوائنٹس کی بہتری آئی ہے۔

بلومبرگ کے مطابق 15 ماہ  میں ہر سہ ماہی میں مسلسل بہتری پائیدار معاشی استحکام کی علامت ہے ۔  معاشی استحکام اور پالیسی تسلسل نے سرمایہ کاروں کا اعتماد بحال کیا۔

آئی ایم ایف پروگرام پر عملدرآمد اور بروقت قرض ادائیگی نے خطرات کم کیے۔ ریٹنگ ایجنسیوں کی مثبت درجہ بندیوں سے اعتماد میں اضافہ ہوا۔

رپورٹ میں بتایا گیاکہ پاکستان اب دیوالیہ خدشات سے نکل کر ایک پُراعتماد معیشت کے طور پر ابھر رہا۔ پاکستان کی سمت درست، سرمایہ کاری کے امکانات روشن ہیں ۔