چین پر اضافی امریکی ٹیرف ، عالمی منڈیوں میں  شدید مندی کا رجحان دیکھا گیا۔ عالمی معیشت میں غیر یقینی کی نئی لہر دوڑ گئی ہے۔

اس کی وجہ امریکی صدر ڈونلڈ ٹرمپ  کی جانب سے  ایک بار پھر چین کے خلاف سخت تجارتی اقدام قراردیاجارہاہے۔

چین پر 100 فیصد اضافی امریکی ٹیرف عائد کیے جانے کے بعد عالمی منڈیوں  میں شدید مندی دیکھی گئی۔

 ٹرمپ نے  چینی درآمدات پر اضافی 100 فیصد ٹیرف عائد کرنے کا اعلان کر دیا ہے۔ انہوں نے گزشتہ روز کہاتھا کہ نومبر سے چین سے امریکا آنے  والی تمام درآمدات پر ٹیکس لاگو کیا جائے گا۔

امریکا پہلے ہی چینی مصنوعات پر تقریباً 30 فیصد ٹیرف عائد کر چکا ۔ لیکن اب اس شرح میں زبردست اضافہ عالمی تجارتی تعلقات کو مزید کشیدہ کر سکتا ہے۔

عالمی اداروں کی رپورٹ کے مطابق ٹرمپ کے اعلان کے بعد عالمی اسٹاک مارکیٹوں میں شدید مندی دیکھی جا رہی ہے۔ سرمایہ کاروں میں بے چینی پھیل گئی۔

ماہرین کا کہنا ہے کہ اس فیصلے کے اثرات نہ صرف چین بلکہ پوری دنیا کی سپلائی چین پر پڑ سکتے ہیں۔