لاہور ہائیکورٹ  میں  نجی اسکولوں کی جانب سے اضافی فیس وصول کرنے کے خلاف درخواست پر سماعت  کےد وران اعتراضات عدالت میں جمع کروا دیے گئے ہیں ۔

تفصیلات کے مطابق لاہور ہائیکورٹ  میں  نجی اسکولوں کی جانب سے اضافی فیس وصول کرنے کے خلاف درخواست پر سماعت   ہوئی۔ جسٹس ساجد محمود سیٹھی نے مختلف درخواستوں پر سماعت کی۔ درخواست میں چیف سیکرٹری،سیکرٹری اسکولز ،سی ای او ایجوکیشن اور ایل جی ایس اسکول انتظامیہ کو فریق بنایا گیا۔

درخواست گزار نے موقف اختیار کیا کہ سپریم کورٹ کے احکامات کے باوجود نجی اسکولز اضافی فیسیں وصول کررہے ہیں۔

سماعت کےدوران  نجی اسکولوں کی جانب سے اضافی فیس وصول کرنے کے خلاف درخواست پر اپنے اعتراضات جمع کروادیے ہیں ۔

 عدالت نے درخواست گزار کو نجی اسکول کے اعتراضات پر جواب الجواب جمع کروانے کی ہدایت کر دی  ہے۔

سماعت کےدوران  عدالت نے ریمارکس دیے کہ پرائیویٹ اسکولز یا پھر والدین کو فیسوں سے متعلق اعتراض ہے تو وہ تحریری طور پر آگاہ کریں۔

چیف ایگزیکٹو آفیسر ایجوکیشن نے عدالت کو بتایا کہ  272 اسکولز کے فیسوں کا اسٹریکچر طے کردیا گیا۔ پرائیویٹ اسکولز کیجانب سے 2017 سے 2018 تک کتنی فیس بڑھائی گئی۔

عدالت نے سماعت 8 نومبر تک کےلیے ملتوی کر دی۔