الیکشن کمشین کی جانب سے اسحاق ڈار کی سینیٹ کی نشست کو خالی قرار دینے کی درخواست خارج کردی گئی ہے۔

تفصیلات کے مطابق چیف الیکشن کمشنر کی زیر صدارت تین رکنی کمیشن نے پی ٹی آئی رہنما شہزاد وسیم کی اسحاق ڈار کیخلاف حلف نہ اٹھانے پر نا اہلی درخواست مسترد کرتے ہوئے محفوظ فیصلہ سنادیا ہے۔

الیکشن کمیشن نے پی ٹی آئی رہنما شہزاد وسیم کی درخواست مسترد کردی، اسحاق ڈار کیخلاف حلف نہ اٹھانے پر نا اہلی کی درخواست خارج#BOLNews #BreakingNews #IshaqDar pic.twitter.com/2hdCOPaXdJ

Advertisement

— BOL Network (@BOLNETWORK) January 9, 2023

فیصلے میں بتایا گیا ہے کہ اسحاق ڈار کی کامیابی کا نوٹیفکیشن 29 مارچ 2018 کو معطل ہوا تھا جوکہ سپریم کورٹ سے درخواست خارج ہونے پر نوٹیفکیشن بحال کیا گیا تھا۔

خیال رہے کہ الیکشن کمیشن نے اسحاق ڈار سے متعلق 26 ستمبر 2022 کو فیصلہ محفوظ کیا تھا جبکہ اسحاق ڈار 27 ستمبر 2022 کو 5 سال بعد وطن واپس آئے تھے اور انہوں نے پاکستان پہنچ کر بطور ممبر سینیٹ اور وزیر خزانہ حلف لیا تھا۔