سندھ میں بلدیاتی انتخابات کا دوسرا مرحلہ شیڈول کے مطابق 15 جنوری کو ہوگا۔

تفصیلات کے مطابق الیکشن کمیشن کی جانب سے کراچی میں بلدیاتی انتخابات سے متعلق ایم کیو ایم، جماعت اسلامی اور سندھ حکومت کی درخواستوں  پر محفوظ فیصلہ سنادیا گیا ہے ۔

سندھ میں بلدیاتی انتخابات شیدول کے مطابق کرانے اعلان، الیکشن کمیشن کے 3 رکنی بینچ نے محفوظ فیصلہ سنادیا، انتخابات 15 جنوری کو ہی ہونگے#BOLNews #BreakingNews #localbodyelection pic.twitter.com/IUVVC7R8l7

Advertisement

— BOL Network (@BOLNETWORK) January 9, 2023

فیصلہ سناتے ہوئے الیکشن کمیشن نے سندھ میں بلدیاتی انتخابات کے دوسرے مرحلے کو شیڈول کے مطابق 15 جنوری کو کرانے کا اعلان کیا ہے۔

یہ بھی پڑھیں: 15 جنوری کو ہر صورت بلدیاتی انتخابات ہوں گے، سعید غنی

الیکشن کمیشن نے کراچی اور حیدرآباد میں بلدیاتی انتخابات سے متعلق ایم کیو ایم کی درخواست مسترد کرتے ہوئے کہا ہے کہ کراچی، حیدرآباد میں بلدیاتی انتخابات 15 جنوری کو ہوں گے۔

علاوہ ازیں الیکشن کمیشن نے ووٹر لسٹوں پر ایم کیو ایم کے اعتراضات مسترد کرتے ہوئے فیصلہ کیاہے کہ کراچی، حیدرآباد میں بلدیاتی انتخابات پرانی ووٹر لسٹوں پر کرائے جائیں گے۔

فیصلے میں چیف سیکریٹری اور آئی جی سندھ کو ہدایت جاری کی گئی ہے کہ بلدیاتی انتخابات کا انعقاد یقینی بنایا جائے۔

خیال رہے کہ چیف الیکشن کمشنر کی زیر صدارت تین رکنی کمیشن نے دلائل مکمل ہونے پر 6 جنوری کو فیصلہ محفوظ کیا تھا۔

یہ بھیی پڑھیں: بلدیاتی انتخابات میں تاخیر، 30 سے زائد امیدوار انتقال کر گئے

واضح رہے کہ کراچی اور حیدرآباد میں بلدیاتی انتخابات کا دوسرا مرحلہ 24 جولائی 2022 کو ہونا تھا لیکن  صوبے میں طوفانی بارشوں اور اس کے نتیجے میں آنے والے سیلاب کی وجہ سے انہیں ملتوی کردیا تھا۔

 28 اگست کو ایل جی انتخابات کا شیڈول ری شیڈول کیا، لیکن اسی وجہ سے انہیں دوبارہ ملتوی کر دیا گیا۔ کمیشن نے کہا تھا کہ زیادہ تر پولنگ اسٹیشنوں کو ووٹرز کے لیے ناقابل رسائی بنا دیا گیا تھا۔

18 اکتوبر کو ای سی پی نے 23 اکتوبر کو انتخابات کا شیڈول ری شیڈول کیا، لیکن صوبائی حکومت نے انہیں تین ماہ کے لیے ملتوی کرنے کا مطالبہ کیا کیونکہ اس نے سیلاب زدہ علاقوں میں پولیس تعینات کر رکھی تھی، جس کی وجہ سے وہ پولنگ اسٹیشنوں کو مطلوبہ سطح کی سیکیورٹی فراہم کرنے سے قاصر تھی۔

بار بار کی تاخیر کے بعد پاکستان تحریک انصاف اور جماعت اسلامی نے سندھ ہائی کورٹ سے رجوع کیا، جس نے 15 نومبر کو ای سی پی کو 15 دن میں بلدیاتی انتخابات کی تاریخ کا اعلان کرنے کی ہدایت کی۔ 22 نومبر کو ای سی پی نے نئی تاریخ کے طور پر 15 جنوری کا اعلان کیا۔