عوامی مسلم لیگ کے سربراہ شیخ رشید کی ضمانت منظور کرلی گئی ہے۔

تفصیلات کے مطابق اسلام آباد ہائی کورٹ نے آصف زرداری پر عمران خان کے مبینہ قتل کے الزام کے کیس محفوظ فیصلہ سنادیا ہے ۔

اسلام آباد ہائی کورٹ نے شیخ رشید کی ضمانت پر محفوظ فیصلہ سناتے ہوئے شیخ رشید کی ضمانت منظور کرلی ہے۔

یہ بھی پڑھیں: شیخ رشید کی مری میں درج مقدمے میں ضمانت منظور

اسلام آباد ہائی کورٹ کا شیخ رشید کو رہا کرنے کا حکم دیا ہے جبکہ پچاس ہزار کے مچلکے جمع کرانے کا بھی حکم دیا ہے۔

سماعت کی تفصیلات :

اسلام آباد ہائیکورٹ میں جسٹس محسن اختر کیانی  نے سابق وزیر داخلہ شیخ رشید کی درخواست ضمانت پر سماعت کی اور استفسار کیا کہ شیخ رشید نے الزام کیا لگایا ہے ؟ کسی نیوز چینلز پر بیان ہے ؟

وکیل شیخ رشید نے بتایا کہ جی انہوں نے ایک بیان دیا جو نیوز چینلز پر نشر ہوا  بعدازاں بیرسٹر سلمان اکرم راجہ نے شیخ رشید کیخلاف الزامات کی تفصیلات عدالت کو بتائی اور بتایا کہ شواہد میں ایسا کچھ نہیں ہے کہ بیان سے پی ٹی آئی اور پیپلز پارٹی کے درمیان کوئی تصادم ہوا ۔

دلائل کے بعد اسلام آباد ہائیکورٹ نے سابق وزیر داخلہ شیخ رشید کی درخواست ضمانت پر فیصلہ محفوظ کیا گیا جبکہ ایڈووکیٹ جنرل اسلام آباد کا کہنا تھا کہ اگر تو یہ جرم نہیں دہراتے اور انڈرٹیکنگ دیتے ہیں تو عدالت دیکھ لے۔

خیال رہے کہ شیخ رشید پر تھانہ آبپارہ میں مقدمہ درج ہے اور وہ اس وقت جوڈیشل ریمانڈ پر جیل میں قید ہیں۔

تحریری فیصلہ:

شیخ رشید احمد کی ضمانت کا چار صفحات پر مشتمل تحریری فیصلہ جاری کردی گیا ہے۔

فیصلے کے مطابق شیخ رشید پر لگائے گئے الزمات ناقابل ضمانت نہیں ہیں، ان د پر کیس محض ایک ٹی وی چینل پر بیان کا ہے، کوئی ڈائریکٹ انفارمیشن موجود نہیں کہ شیخ رشید واقعی جرم کیا۔

فیصلے میں واضح کیا گیا ہے شیخ رشید پر لگے الزامات کا فیصلہ ٹرائل میں ہی ہو سکتا ہے۔

خیال رہے کہ جسٹس محسن اختر کیانی نے ضمانت کا تفصیلی فیصلہ جاری کیا ہے۔