انسداد دہشت گردی عدالت نے شیر پاؤ پل پر اداروں کیخلاف تقریر اور جلاؤ  گھیرا کے مقدمات میں ڈاکٹر یاسمین راشد کے جوڈیشل ریمانڈ میں 4 روز کی توسیع کر دی۔

تفصیلات کے مطابق انسداد دہشت گردی عدالت نے ڈاکٹر یاسمین راشد کے جوڈیشل ریمانڈ پر سماعت کی۔

 ڈاکٹر یاسمین راشد کو مختلف مقدمات میں جوڈیشل ریمانڈ کی معیاد ختم ہونے پر انسداد دہشت گردی عدالت پیش کیا گیا۔

عدالت نے ڈاکٹر یاسمین راشد کی جوڈیشل ریمانڈ میں 4 دنوں تک توسیع کرتے ہوئے ان کو 4 اگست کو دوبارہ پیش کرنے کا حکم دے دیا۔

انسداد دہشت گردی عدالت نے تفتیشی افسر کو آئندہ سماعت پر مقدمہ کا چالان پیش کرنے کا بھی حکم دیا۔

واضح رہے کہ تھانہ سرور روڑ پولیس نے ڈاکٹر یاسمین راشد اور دیگر کیخلاف مقدمہ نمبر 97/23 درج کیے ہوئے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/court/2023/07/233066/amp/ کو لائک کریں