لاہور کی احتساب عدالت نے منی لانڈرنگ کیس کا فیصلہ سناتے ہوئے وزیر اعظم شہباز شریف، حمزہ شہباز و دیگر کو بری کردیا ہے۔

تفصیلات کے مطابق احتساب عدالت نے وزیر اعظم شہباز شریف اور ان کے اہل خانہ کی منی لانڈرنگ، آمدن سے زائد اثاثہ جات کے ریفرنس میں بریت کی درخواستیں منظور کرلیں۔

شہباز شریف اور حمزہ شہباز منی لانڈرنگ کیس سے بری
براہ راست دیکھیں: https://www.bolnews.com/urdu/court/2023/07/310139/amp/#ShehbazSharif #BOLNews pic.twitter.com/H3YXgA9yKe

— BOL Network (@BOLNETWORK) July 20, 2023

عدالت نے شہباز شریف و اہلخانہ کے منجمد اثاثوں کو بحال کرتے ہوئے کہا کہ نیب تفتیشی افسر نے بیان دیا ہے کہ ملزمان کیخلاف کرپشن اور منی لانڈرنگ کے شواہد نہیں ملے۔

احتساب عدالت نمبر 9 کے جج قمر الزمان نے منی لانڈرنگ کیس کا محفوظ کیا گیا فیصلہ سناتے ہوئے شہباز شریف اور حمزہ شہباز کو بری کردیا۔

عدالت نے نصرت شہباز سمیت دیگر ملزمان کو بھی بری کر دیا اور اشتہاری رابعہ عمران کے دائمی وارنٹ گرفتاری جاری کردیے۔

واضح رہے کہ منی لانڈرنگ کیس کا ریفرنس اگست 2020 میں دائر کیا گیا تھا اور شہباز شریف کو اس کیس میں ستمبر 2020 میں گرفتار کیا گیا تھا۔

احتساب عدالت نے نومبر 2020 میں ملزمان پر فرد جرم عائد کی تھی، اپریل 2021 میں شہباز شریف کو لاہور ہائی کورٹ سے ضمانت پر رہائی ملی اور حمزہ شہباز کو 20 ماہ بعد فروری 2021 میں ضمانت پر رہائی ملی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/court/2023/07/310139/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/court/2023/07/310139/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں