اسلام آباد کی ڈسٹرکٹ اینڈ سیشن کورٹس نے چیئرمین پاکستان تحریک انصاف کی اسلام آباد میں درج 6 مقدمات میں عبوری ضمانت میں کل تک کی توسیع کردی۔

تفصیلات کے مطابق ایڈیشنل سیشن جج طاہر عباس سپرا نے چیئرمین پی ٹی آئی کے خلاف درج 6 مختلف مقدمات کی سماعت کی۔

عدالت میں چیئرمین پی ٹی آئی کے وکلاء کی جانب سے آج کی حاضری سے استثنی کی درخواست دائر کی گئی۔

چیئرمین پی ٹی آئی کے وکلاء نے درخواست میں موقف اختیار کیا کہ چیئرمین پی ٹی آئی نے اسلام آباد ہائی کورٹ پیش ہونا ہے، سیکیورٹی کا بھی ایشو ہے کل بھی ناخوشگوار واقعہ پیش آیا۔

وکلاء کی جانب سے استدعا کی گئی کہ آج کی حاضری سے استثنی منظور کیا جائے۔

عدالت نے چیئرمین پی ٹی آئی کی حاضری سے استثنی کی استدعا منظور کرتے ہوئے کیس کی سماعت کل تک ملتوی کردی۔

واضح رہے کہ چیئرمین پی ٹی آئی کے خلاف تھانہ ترنول میں دو، تھانہ کوہسار، تھانہ کراچی کمپنی، تھانہ سکرٹریٹ اور تھانہ رمنا میں مقدمہ درج ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/court/2023/07/454130/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/court/2023/07/454130/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں