انسداد دہشتگردی عدالت نے عسکری ٹاور میں جلاؤ گھیراؤ اور توڑ پھوڑ کے کیس میں شاہ محمود قریشی اور اسد عمر کی 6 مقدمات میں عبوری ضمانت میں 8 اگست تک توسیع کردی ہے۔

تفصیلات کے مطابق انسداد دہشت گردی عدالت میں شاہ محمود قریشی کے خلاف 6 مقدمات میں عبوری ضمانت پر سماعت ہوئی۔

عدالت نے شاہ محمود قریشی کی عبوری ضمانت میں 8 اگست تک توسیع کرتے ہوئے آئندہ سماعت پر دلائل طلب کرلئے۔

انسداد دہشتگردی عدالت نے عسکری ٹاور میں جلاؤ گھیراؤ اور توڑ پھوڑ کے مقدمے میں اسد عمر کی ضمانت میں بھی 8 اگست تک توسیع کردی۔

واضح رہے کہ نو مئی کو پاکستان تحریک انصاف کے چیئرمین کی گرفتاری پر ملک بھر میں پُرتشدد احتجاجی مظاہرے کیے گئے تھے۔ شرپسندوں کی جانب سے قومی اور فوجی املاک کو بھی نقصان پہنچایا گیا تھا۔ نو مئی کے بعد ہی شاہ محمود قریشی اور اسد عمر کے خلاف عسکری ٹاور میں جلاؤ گھیراؤ کا مقدمہ بنایا گیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/court/2023/07/764350/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/court/2023/07/764350/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں