پاکستان تحریک انصاف (پی ٹی آئی) کے رہنما اعظم سواتی کو متنازع ٹوئٹس کرنے کے کیس میں دائمی وارنٹ گرفتاری جاری کردیے گئے ہیں۔

تفصیلات کے مطابق اسلام آباد کے اسپیشل جج سینٹرل شاہ رخ ارجمند کی جانب سے اعظم سواتی کے خلاف دائمی وارنٹ جاری کیے گئے۔

اسپیشل جج سینٹرل شاہ رخ ارجمند نے کہا کہ اشتہاری قرار دینے کی کارروائی کے باوجود اعظم سواتی عدالت سے مسلسل غیر حاضر ہیں۔

عدالت نے ایف آئی اے کو کہیں بھی نظر آنے پر اعظم سواتی کو گرفتار کر کے عدالت میں پیش کرنے کا حکم دے دیا۔

اس سے قبل اسپیشل جج سینٹرل نے اعظم سواتی کے خلاف اشتہاری قرار دینے کی کارروائی کا آغاز کیا تھا۔

اعظم سواتی پر سرکاری افسران کے خلاف متنازع ٹوئٹس کرنے پر مقدمہ درج کیا گیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/court/2023/09/423956/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/court/2023/09/423956/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔