ڈسٹرکٹ اینڈ سیشن کورٹس اسلام آباد میں سابق پی ٹی آئی رہنما فواد چوہدری کیخلاف سرکاری ملازمین کو اکسانے کے کیس میں حاضری سے استثنیٰ کی درخواست منظور کرلی گئی۔

تفصیلات کے مطابق ڈسٹرکٹ اینڈ سیشن کورٹ اسلام آباد کے جج طاہر عباس سپرا نے سابق وفاقی وزیر فواد چوہدری کے خلاف سرکاری ملازمین کو اکسانے کے کیس کی درخواست پر سماعت کی۔

ایڈیشنل سیشن جج طاہرعباس سِپرا کی عدالت میں فواد چوہدری پیش نہ ہوئے، انکی جانب سے وکیل صفائی قمر عنایت عدالت میں پیش ہوئے۔

فواد چوہدری کی جانب سے عدالت میں آج حاضری سے استثنیٰ کی درخواست دائر کی گئی، وکیل قمر عنایت نے درخواست میں بتایا کہ فواد چوہدری کی والدہ بیمار ہیں، جس کی وجہ سے ان کو لاہور جانا پڑا۔

جج طاہرعباس سِپرا نے فواد چوہدری کی حاضری سے استثنیٰ  کی درخواست منظور کرتے ہوئے انکو آئندہ سماعت پر حاضری یقینی بنانے ہدایت کردی۔

عدالت نے فواد چوہدری کے خلاف فرد جرم کی کارروائی 3 اکتوبر تک ملتوی کردی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/court/2023/09/666379/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/court/2023/09/666379/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔