اسلام آباد ہائی کورٹ نے چوہدری پرویزالہیٰ کی ایم پی او آرڈر کالعدم قرار دینے کی درخواست نمٹا دی۔

تفصیلات کے مطابق اسلام آباد ہائیکورٹ کے جسٹس طارق محمود جہانگیری نے چوہدری پرویزالہیٰ کی ایم پی او آرڈر کالعدم قرار دینے کی درخواست پر سماعت کی۔

عدالتی حکم پر ڈپٹی کمشنر عرفان نواز میمن اسلام آباد ہائیکورٹ میں پیش ہوئے۔

ڈسٹرکٹ مجسٹریٹ اسلام آباد نے پرویز الہیٰ کی نظربندی کا آرڈر واپس لے لیا اور ڈپٹی کمشنر اسلام آباد نے کہا کہ چوہدری پرویز الہیٰ کی نظربندی کا ایم پی او حکم واپس لے لیا۔

جسٹس طارق جہانگیری نے ریمارکس دیے کہ پرویز الہیٰ کو مزید جس ایف آئی آر میں گرفتار کیا ہے وہ نمبر لکھوا دیں۔

اسلام آباد ہائیکورٹ نے چوہدری پرویز الہیٰ کی درخواست نمٹا دی۔

خیال رہے کہ اسلام آباد ہائیکورٹ نے پرویز الہٰی کو ایم پی او آرڈر معطل کر کے رہا کرنے کا حکم دیا تھا اور ڈپٹی کمشنر اسلام آباد کو آج ذاتی حیثیت میں طلب کر رکھا تھا جبکہ چوہدری پرویز الہیٰ جیل میں ہونے کے باعث پیش نہ ہو سکے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/court/2023/09/958728/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/court/2023/09/958728/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں