احتساب عدالت اسلام آباد نے بانی پی ٹی آئی اور بشریٰ بی بی کے خلاف 190 ملین پاؤنڈ کیس کی سماعت ملتوی کردی۔

احتساب عدالت کے جج ناصر جاوید رانا نے بانی پی ٹی آئی اور بشریٰ بی بی کے خلاف 190 ملین پاؤنڈ کیس کی سماعت کی۔

بانی پی ٹی آئی کی جانب سے معاون وکیل عنصر کیانی جبکہ نیب کی جانب سے ڈپٹی پراسیکیوٹر جنرل سردار مظفر عدالت میں پیش ہوئے۔

وکیل عنصر کیانی نے کہا کہ تھوڑا وقت دے دیں میں سنئیر کونسل سے کنفرم کر لیتا ہوں، سنیئر وکلاء اسلام آباد ہائی کورٹ میں مصروف ہیں میں ہدایات لے کر عدالت کو بتاتا ہوں۔

بانی پی ٹی آئی کے وکیل نے عدالت کو بتایا کہ جیل میں سیکیورٹی کے حوالے سے نوٹیفکیشن میں توسیع ہو گئی ہے سماعت اڈیالہ جیل میں نہیں ہو سکتی۔

بعدازاں احتساب عدالت نے 190 ملین پاؤنڈ کیس کی سماعت 28 اکتوبر تک ملتوی کر دی۔