اسلام آباد: جسٹس امین الدین خان کو آئینی بینچ کا سربراہ بنانے پر سپریم کورٹ بار ایسوسی ایشن کا اہم بیان سامنے آگیا۔

صدر سپریم کورٹ بار ایسوسی ایشن میاں رؤف عطاء نے اپنے جاری کردہ بیان میں کہا ہے کہ جسٹس امین الدین خان کو آئینی بینچز کا سربراہ بنانے کا فیصلہ قابل ستائش ہے۔

انکا کہنا تھا کہ آئینی بینچز کے لئے نامزد سات ججز پر مکمل اعتماد ہے، امید ہے آئینی بینچ جلد تشکیل دیا جائے گا، آئینی بینچ کی تشکیل سے زیر التواء  آئینی مقدمات میں کمی ہوگی۔

میاں رؤف عطاء نے مزید کہا کہ چیف جسٹس یحییٰ آفریدی کے کیسز مینجمنٹ کے حوالے سے اقدامات کا خیر مقدم کرتے ہیں، ماہانہ کاز لسٹ، فوری سماعت کی درخواستوں کو مقرر کرنا احسن اقدام ہے۔