راولپنڈی کی انسداد دہشت گردی کی خصوصی عدالت نے شوکت خانم اسپتال اور نمل یونیورسٹی کے اکاؤنٹس ڈی سیز کرنے کے احکامات جاری کردیے ہیں۔
انسداد دہشتگردی کی خصوصی عدالت کے جج امجد علی شاہ نے کیس کی سماعت کی جبکہ علیمہ خان کی جانب سے ان کے وکیل محمد فیصل ملک عدالت میں پیش ہوئے۔
پراسیکیوشن کی جانب سے شوکت خانم اسپتال اور نمل یونیورسٹی کے اکاؤنٹ فریز کرنے سے متعلق مخالفت اور اعتراض نہیں کیا۔
پراسیکیوٹر ظہیر شاہ نے عدالت میں کہا کہ ہمیں کوئی اعتراض نہیں ہے اگر اسپتال اور نمل یونیورسٹی کے اکاؤنٹ ڈی سیز کیے جائیں، ہم نے علیمہ خانم کے آئی ڈی کارڈ کے مطابق گورنر اسٹیٹ بینک کو اکاؤنٹ فریز کیے جانے کے متعلق عدالت سے استدعا کی تھی۔
پراسیکیوٹر نے مزید بتایا کہ علیمہ خانم کے بزنس اکاؤنٹ اور پرسنل اکاؤنٹ کے علاوہ کوئی دیگر اکاؤنٹ اگر فریز کیے گئے ہیں تو اس بات پر ہمیں کوئی اعتراض نہیں۔
مزید پڑھیں: ‘شوکت خانم اسپتال کے خلاف پروپیگنڈہ کرنے والوں کو پھر ناکامی کا سامنا ہوگا’