سندھ رینجرز نے کراچی کے مختلف علاقوں میں رینجرز نے کارروائیاں کرتے ہوئے 26 ملزمان کو گرفتارکرلیا ہیں۔

تفصیلات کے مطابق سندھ رینجرز نے شہر کے مختلف علاقوں میں کارروائی کرتے ہوئے 26 ملزمان کو  ڈکیتی، رہزنی، منشیات فروشی اور غیرقانونی اسلحہ رکھنے کے الزام میں گرفتار کرلیا۔

ترجمان رینجرز کا کہنا تھا کہ رینجرز نے کاروائی کرتے ہوئے ملیر، گلشنِ اقبال، رضویہ، گلستانِ جوہر، سائٹ اے، عید گاہ، بغدادی، شاہراہ فیصل،فیروز آباد، محمودآباد،ملیر،بہادرآباد،سپر مارکیٹ اور لیاقت آباد کے علاقوں میں رینجرز نے کارروائی کرتے ہوئے 20ملزما ن عبدالغفورعرف ابوّ، محمد ناصر رشید،امیر بلوچ، امیر احمد، شاہد علی عرف سندھی،محمد شارق، عمیر علی، کاشف عرف پارس،محمد یونس، الطاف الرحمان،محمد بلال،فرمان علی عرف بولا،  محمد عدنان،علی رضا،سکندر حیات،محمد وجیہ الدین،ارتضیٰ حسین،محمد ماشید،مکرم حسین اور مولا بخش عرف مولوکو گرفتارکیا جولوگوں سے لوٹ مار کرنے، موٹر سائیکل چھیننے،  ڈکیتی اور اسٹریٹ کرائم کی متعدد وارداتوں میں ملوث ہیں۔

ترجمان رینجرز  کا یہ بھی کہناتھا کہ رضویہ اور مراد میمن گوٹھ کے علاقوں میں رینجرز نے کارروائی کرتے ہوئے 2ملزمان آصف اور ملسم کو گرفتار کیا جو جرائم کی متعدد وارداتوں میں ملوث ہیں  جبکہ   پریڈی اور  کلری کے علاقوں میں رینجرز نے کارروائی کرتے ہوئے 4 ملزمان اکرام، بہرام شاہ،سجاد ظہیراور محمد شاہ کوگرفتار کیا جوعلاقے میں منشیات فروشی کے کاروبار میں ملوث ہیں۔

کراچی: رینجرز کی کارروائی، 13 ملزمان گرفتار

ترجمان رینجرز کا مزید کہنا تھا کہ رینجرز نے ان تمام ملزمان کے قبضے سے غیر قانونی اسلحہ، ایمونیشن، مسروقہ سامان اور منشیات بھی برآمد کیا ہے، اور تمام ملزمان کو مزید قانونی کارروائی کے لیے پولیس کے حوالے کردیا ہے۔

واضح  رہے اس سے قبل بھی کراچی میں رینجرز نے  کاروائی کرتے ہوئے گھر میں موجود بارودی مواد اور دستی بم برآمد کرلیئے تھے۔

 ترجمان رینجرز کے مطابق انٹیلیجنس کی معلومات پر کراچی کے علاقے ملیر میں ایک رہائشی مکان میں رینجرز نے کاروائی کی اور مکان کی تلاشی کے دوران وہاں چھپایا گیا بارودی مواد اور اسلحہ ملے جو کسی دہشتگردی کیلئے چھپا کر رکھے گئے تھے۔

ترجمان رینجرز نے مزید کہا تھا کہ رینجرز کی کاروائی کے دوران برآمد سامان میں ایک آئی ای ڈی، دو کلو بارود، دو دستی بم، چھ ڈیٹونیٹر، دس سے زائد مختلف اقسام کے ہتھیار اور مختلف گولیوں کے راوئنڈز ملے ہیں۔