کراچی کے علاقے عزیز آباد  میں سنگ دل بیوی نے شوہر پر تیزاب پھینک دیا ۔

تفصیلات کے مطابق کراچی کے علاقے عزیز آباد میں بیوی نے شوہر فرحان کے سوتے ہوئے اس پر تیزاب پھینک دیا، تیزاب پھینکنے کے واقعے میں شوہر اور  9 سالہ بچہ عبدالرحمان بھی معمولی زخمی ہوا ہے۔

اہل خانہ نے پولیس کو اپنا بیان دیتے ہوئے کہا کہ دونوں میاں بیوی میں چند سال پہلے پسند کی شادی ہوئی تھی  اور دونوں  کو اہل خانہ نے پسند کی شادی کرنے پر گھر سے نکال دیا تھا ۔

 اہل خانہ نے مزید کہا کہ فرزانہ نامی خاتون چھ ماہ سے اپنے سے شوہر سے طلاق مانگ رہی تھی ، اس سے قبل بھی فرزانہ نے چند روز قبل بھی اپنے شوہر کو تشدد کا نشانہ بناتے ہوئے سر پر ڈنڈا مارا تھا اور کانچ مارے تھے۔

بیوی پرقاتلانہ حملہ کرنے والا شوہر تاحال مفرور

پولیس کے مطابق  فرحان کے ساتھ اس کا بیٹا عبدالرحمان بھی تیزاب سے جھلس گیا، واقعے میں زخمی شوہر  اور  بیٹے کو طبی امداد  کے لئے اسپتال منتقل  کیا گیا۔

پولیس کا یہ بھی کہنا تھا کہ ملزمہ  واقعے کے بعد سے  رکشے میں بیٹھ کر فرار ہے جبکہ پولیس نے  ملزمہ فرزانہ کی تلاش شروع کردی گئی ہے۔

پولیس کا مزید کہنا تھا کہ تیزاب  زیادہ مہلک نہیں تھا  ، تیزاب سے جھلس کر زخمی ہونے والے فرحان اور عبدالرحمان کی حالت خطرے سے باہر ہے۔