متحدہ قومی موومنٹ (پاکستان) کے رکن سندھ اسمبلی صداقت حسین کے گھر کے باہر نامعلوم ملزمان نے فائرنگ کی ہے، جس کے نتیجے میں دو افراد زخمی ہوئے ہیں۔

پولیس حکام کے مطابق ابتدائی طور پر واقعہ ڈکیتی مذاحمت کا شاخسانہ لگتا ہے، مزید تفصیلات حاصل کررہے ہیں۔

ملزمان کی فائرنگ سے صداقت حسین کے بھائی اور بہنوئی زخمی ہوئے ہیں۔

صداقت حسین اپنے بھائی اور بہنوئی کے ساتھ گھر کے باہر کھڑے تھے۔

رکن سندھ اسمبلی صداقت حسین کا کہنا ہے کہ علاقے کا ایک نوجوان کاغذات کی تصدیق کرانے آیا تھا ، میں اسٹیمپ لینے گھر کے اندر گیا تو باہر فائرنگ ہوگئی، فائرنگ میں زخمی ہونے والوں کی حالت خطرے سے باہر ہے۔

ایس ایس پی ویسٹ فدا حسین کا کہنا ہے کہ واقعے کی مکمل تحقیقات کر رہے ہیں، زخمی دونوں افراد کی حالت خطرے سے باہر ہے۔

انہوں نے مزید کہا کہ رکن صوبائی اسمبلی کئی دنوں سے سیکیورٹی مانگ رہے تھے۔

صداقت حسین پی ایس 117 سے منتخب ہوئے تھے